选择

「小姐有礼」除咗有护肤品卖，仲有故仔听。

首先，听故唔好驳故啊，网上版本好多，妳记住呢个系我嘅版本就得喇。

大家都知道亚瑟王King Arthur 吧？话说阿瑟王后生嘅时候，有一次被隔离国嘅伏兵捉咗，隔离国嘅国王见到阿瑟王又后生又叻仔，都唔舍得杀佢。不过佢碍于面子，又唔可以轻易放佢返去，所以佢同阿瑟王讲：我问你一个问题，俾你一年时间，你如果答唔出，我就会攞你命！

阿瑟王好无奈，于是佢问国王：咩问题？

国王阴阴嘴笑：「女人最想要嘅系咩？」

哈！呢个问题睇落简单，但人命攸关，边个都唔敢轻易俾答案。阿瑟王系个后生仔，当然更加唔敢随便回答，但系用一年时间揾答案，点都好过死，系咪？所以佢答应国王，一年之后会带住答案返去揾国王。

阿瑟王返到自己国家，周围问人，上至智者、学者，下至宫女厨师，都无一个人嘅答案能令阿瑟王满意。时间过得好快，转眼一年嘅期限就到，但系阿瑟王依然无答案。突然有一日，一个随从话俾阿瑟王听，听讲森林里面有个老女巫，咩都识，佢应该有答案。不过呢个女巫好麻烦，叫价好高。阿瑟王呢个时候已经无得拣，即刻揾埋自己嘅老友加温（最高贵嘅圆桌武士之一），启程去森林揾女巫。

女巫见到佢哋，听埋阿瑟王嘅问题，气定神闲咁讲：「呢个问题实在太简单了。」

阿瑟王大悦，问女巫要几多钱。女巫冷笑咗一声：「我唔要钱，我要佢！」

女巫用手指咗一指加温，然后露出蛊惑嘅笑容。

吓！唔系呀嘛！阿瑟王睇真啲嗰巫婆，驼背、丑样、无晒牙，仲要有阵臭味。加温出名靓仔，要佢同巫婆一齐，咪即系送佢去死？

阿瑟王同加温一世人两兄弟，无理由咁样牺牲老友，所以佢拉住加温，转身走人。

点知呢个时候，加温反而企喺度，好冷静咁同阿瑟王讲：无嘢比保住你嘅性命同埋圆桌武士更重要，我愿意。

阿瑟王再唔愿意，都阻止唔到加温要娶女巫嘅决心。为咗赶及一年嘅期限，加温同女巫嘅婚礼好快就举行喇。系婚礼嗰日，加温一如既往咁温文尔雅、风度翩翩，但系嗰新娘（即系女巫）就真系失礼人：用手拎嘢食，放屁打嗝、不断怪笑，搞到所有宾客都觉得加温好可怜，真系一朵鲜花插系XX上。

到咗夜晚，加温再唔想都要入睡房，虽然斋谂都觉得恐怖。加温硬着头皮打开房门，咿，点解有个咁靓嘅少女坐喺床度？

少女同加温讲，我其实就系女巫，我俾人落咗咒语，系一日里面，我只有一半时间可以做返自己，其余另一半时间，我会变成个好丑样好臭好粗鲁嘅巫婆。而依家我哋结咗婚，所以你可以拣，你想我日头做少女，夜晚变巫婆，定系日头做巫婆，夜晚变少女？

加温听完真系晕得一阵阵：如果日头系少女，咁全世界都羡慕自己喇，但系夜晚返到屋企就受罪；但系日头系巫婆，咁边度都唔使去啦，系人见到佢都走夹唔透，不过夜晚返到屋企就开心啊，佢咁靓女喔。。。

好啦，故事讲到呢度，如果你系加温，你点拣？

加温可能因为拣唔到，所以佢同少女讲：无所谓啦，妳钟意点就点。。。

少女好感动，佢话：其实一个女人最想要嘅，就系有选择嘅自由。多谢你，你已经解除咗我嘅魔咒，我以后唔会再变巫婆啦！

加温当然从此跟少女过着幸福愉快嘅生活啦。

写咗咁耐，其实就系想话俾妳听，「小姐有礼」揾咁多产品返黎，都系想大家有得选择。因为可以自由做选择嘅女人，至系一个真正幸福嘅女人。

呢度几支护肤油，价钱唔同，各有功效，有兴趣嘅随时PM我啦！

我哋用顺丰快递，运费到付，买满600及以上包邮！

#小姐有礼 #acquiredtastehk