波兰 Oio Lab 奥米茄洗面乳 O-Mega Milk，系一支多功能产品，我每晚都会用佢落妆同埋洗面（好厚妆嘅话，最好都系用好气色卸妆膏先洗一次），然后抹干块面就 OK；一个星期有两晚，我会洗面之后用佢厚敷，当佢喺保湿舒缓面膜，之后，我甚至会当佢系睡眠面膜，搽住去瞓觉 （好适合我呢啲懒人😆）。讲到呢度，其实我都有啲惊，一支产品咁多功能，我仲使卖其他嘢？😅
奥米茄洗面乳 O-mega Milk 咁劲，系因为佢嘅配方，采用咗 Oio Lab 独家创新嘅植物萃取物 ： 即系超纯净、浓缩、臭氧化嘅欧米茄 3、6、9 酸酯，呢啲成分萃取自波兰亚麻籽油，可以为皮肤提供最大程度嘅滋养，令肌肤得到良好嘅修护 (佢哋嘅萃取技术仲拎埋专利添，真系好犀利 👍👍👍)。佢嘅香味令我谂到青瓜 🥒🥒，系一阵几清新嘅味道。讲明先啊，唔系花香味，唔好表错情 😉。
我睇返波兰嗰边嘅消费者试用报告，原来用咗一次之后， 30 分钟内皮肤已经增加咗 70% 嘅水份，而第一次敷面膜之后， 15 分钟内减少咗 31% 嘅泛红。试过呢支洗面乳嘅人，100%都认同佢嘅清洁效果温和而有效，96% 嘅试用者，就表示用过一次之后，皮肤变得更光滑、更清爽。定期使用 4 星期之后: 100% 嘅使用者都表示，佢哋嘅皮肤变得超洁净、水润，肤质可以得到明显改善。呢啲咁出众嘅效果，都归功于水解豌豆蛋白（hydrolyzed pea proteins） 嘅超卓清洁功能，同埋由先进植物萃取物、多元修护 ectoin、几种有机油脂（例如乳木果油、西番莲籽油、葡萄籽油等等）带嚟嘅密集护肤功效。你可以放心用喺眼部四周，因为 Oio Lab 已经将产品拎去独立眼科医生度检验，证实搽喺眼部四周绝对安全。
Oio Lab 奥米茄洗面乳 O-Mega Milk 采用 99% 嘅天然成分制成，不含合成防腐剂或者香料，非常适合敏感性肌肤使用。佢亦得到 Leaping Bunny 嘅认可同埋 PETA 嘅认证，系一款纯素、无残害配方嘅护肤品。 (每瓶200毫升）
用完第一支记住留返嗰玻璃樽，日后可以买铝樽嘅环保补充装，200毫升都系500蚊！（不过话明系补充装，必须要买过玻璃樽嘅顾客，至可以买补充装啊！所以到时候麻烦你 whatsapp 我，或者系chat 度留言，我会发补充装嘅 link 俾你落单，OK？ 多谢谅解！！）
暂时没有评论
成为第一个分享使用心得的人吧！
撰写评论
需先登录会员才可撰写评论。按此登录
